Сургуулукпут нэһилиэгэр үөрүүлээх түгэн буолан ааста. Өрөспүүбүлүкэ үрдүнэн аан маҥнайгытын улууска биир кэмҥэ 6 муниципальнай баһаарынай сулууспа арылынна. Бу Өрөспүүбүлүкэ пилотнай бырайыага Үөһээ Бүлүүгэ 2020 сылтан үлэлиир. Бастакы баһаарынай быыһыыр сулууспа Оҥхой, Кырыкый, Кэнтик нэһилиэктэригэр арыллыбыттара, күн бүгүҥҥэ диэри боевой дьуһуурустубаларын ситиһиилээхтик ыыталлар. Баьаарынай быыьыыр сулууспа үлэһиттэрин Сургуулук нэһилиэгин Аҕа баһылыга Тарасов Алексей Алексеевич эҕэрдэлээтэ уонна саҥа үлэһит уолаттарга өйдөбүнньүк бэлэхтэри туттартаата. Маны таһынан: «КАНА» магазин, Сургуулук сынньалаҥ киинэ,Бырааттыы Боескоровтар ааттарынан Школасад сэмэй бэлэхтэрин ууннулар. Түгэнинэн туһанан, Сургуулук нэьилиэгин баһылыгар Тарасов Алексей Алексеевичка , барҕа махталбытын биллэрэбит. Кини үлэлээбит үлэтэ барыта дьонун-сэргэтин эрэ туһугар ананар. Үлэҕит өрүү ситиһиилээх, дьулуурдаах, кыайыылаах буоллун! Төрөөбүт дойдубут өссө да тупсарын, чэлгийэ сайдарын туһугар түмсэммит күүскэ үлэлиэҕиҥ! Эһигини кытта үөрүү, ил-эйэ эҥэрдэстин, чөл олох, дьол-соргу олохсуйдун!
МБУ "Сургулукское культурно-досуговое учреждение" МО "Сургулукский наслег"
Муниципальное бюджетное учреждение «Сургулукское культурно – досуговое учреждение» МО «Сургулукский наслег»