Муус устар 11 күнүгэр, аан дойдутааҕы култуура үлэһиттэрин күнүн чэрчитинэн Оҥхой нэһилиэгин култууратын дьиэтигэр 2 төгүлүн ыытыллар көһө сылдьар Кубок иһин, култуура үлэһиттэрин спартакиадата буолан ааста. Бу күн Кэнтик, Далыр, Сургулук, Дүллүкү уонна дьиэлээх хаһаайыттар, Оҥхой нэһилиэктэрэ мустаннар, хамаандаҕа арахсан «Көрдөөх стартар» күрэхтэһиилэргэ илин-кэлин түһүстүлэр.Түмүккэ ыһыылаах-хаһыылаах, олус көхтөөх, сэргэх, тыҥааһыннаах, өрө көтөҕүүлээх күрэхтэһиилэр кэннилэриттэн маннык миэстэни үллэһиннилэр
1 миэстэ Кэнтик хамаанда. Кубогы илиилэригэр туттулар🏆🥇👏🏻
2 миэстэ —🥈👏🏻 Дүллүкү хамаанда
3 миэстэ —🥉👏🏻 Далыр хамаанда тахсаннар анал грамоталарынан наҕараадаланнылар.👏🏻👏🏻👏🏻👏🏻
Бу үөрүүлээх күнү бэйэлэрин эҕэрдэ нүөмэрдэринэн: сыанкаларынан,үҥкүүнэн трионан кэрэ ырыаларынан үҥкүүнэн тэрээһини киэргэтэн, ситэрэн биэрдилэр.
Маны сэргэ, түмсүбүччэ биир идэлээхтэр күүстээх күрэхтэһии кэнниттэн сылаас чэй, шашлык амсайан, дэлэй астаах сандалы тула олорон ирэ-хоро кэпсэтэн, үөрэн-көтөн, сынньанан, оонньоон-көрүлээн, үҥкүүлээн, сэргэхсийэн, эһиил, кубогы ылбыт нэһилиэккэ Кэнтиккэ өссө үрдүк улууснай таһымнаахтык тэрийэн,түмсүөх буолан тарҕастыбыт.
НАДЕЖДА
ГРИГОРЬЕВА
